【好人好事系列】熱心站長站務員 合力協助婆婆乘車

2021年8月 6日

相信唔少人都試過搭錯車,早前我哋收到乘客嘅表揚信,內容係一個窩心嘅故事,以下請聽小編娓娓道來︰

有一晚大約十點左右,細心嘅卜站長發現一位婆婆喺橫琴口岸落車之後踱步徘徊,就即刻上前問婆婆係咪需要幫忙,原來婆婆係想去石排灣但搭錯車!

當時直達路線係非服務時段,卜站長擔心婆婆再搭錯車,於是決定由佢兼顧站務員嘅清潔工作,而站務員蓮姐就陪婆婆等車及搭車,直到確認婆婆上啱車先返去繼續工作。

收到表揚,卜站長同蓮姐都好謙虛咁話多謝大家嘅讚賞,但自己所做嘅只係件普通事,相信其他同事見到乘客有需要,都會有同樣嘅舉動。

By the way,蓮姐其實仲係3月份站點服務微笑運動其中一名金獎得獎者,大家記唔記得佢呢?小編在此再次感謝所有前線同事嘅努力付出。