【優秀員工頒獎儀式】

2022年1月25日

全賴一班勞苦功高嘅前線同事努力,至可以為乘客提供到安全、優質嘅巴士服務,臨近年尾,梗係要好好犒賞一班同事啦!👏👏

管理層代表日前去到前線向員工頒發獎項🏅,除咗以往嘅「董事局服務獎」、「積極服務獎」、「良好服務獎」等年度獎項,為鼓勵更多員工,今年仲新增咗「先進服務路線獎」同「良好服務路線獎」,表揚過去一年服務傑出、屢獲表揚、安全可靠嘅前線團隊;另外仲有特別頒發予維修及廠務同事嘅「先進班組獎」,佢哋嘅付出確保咗車輛狀況良好,保障乘客嘅安全,真係好多謝佢哋嘅辛勤貢獻!

頒獎時同事們士氣好高昂,歡笑間真係感受到佢哋嘅💕同齊心。衷心恭喜同多謝佢哋嘅付出,讓乘客得到美好嘅乘車體驗,新一年大家要繼續加油呀 !👍👏👏